പാലക്കാട് : കഞ്ചിക്കോട് ഐഐടി കാംപസിനുള്ളില്‍ നാലാം വര്‍ഷ ബിരുദ വിദ്യാര്‍ഥിനിക്ക് നേരെ അജ്ഞാതന്റെ ആക്രമണം. ഡാറ്റ സയന്‍സ് എന്‍ജിനീയറിങ് വിഭാഗത്തില്‍ പഠിക്കുന്ന സേലം സ്വദേശിനിക്കാണ് പരിക്കേറ്റത്. സുഹൃത്തുക്കളോടൊപ്പം ഡൈനിങ് ഹാളിലേക്ക് നടന്നു പോകുന്നതിനിടെ അപ്രതീക്ഷിതമായി എത്തിയ ഒരാള്‍ വിദ്യാര്‍ഥിനിയുടെ തലയ്ക്ക് അടിക്കുകയായിരുന്നു.

പരിക്കേറ്റ പെണ്‍കുട്ടിയെ ഉടന്‍ തന്നെ കോയമ്പത്തൂരിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അജ്ഞാതനാണ് ആക്രമിച്ചതെന്നാണ് പൊലിസിന് ലഭിച്ച പ്രാഥമിക മൊഴി. സംഭവത്തില്‍ കസബ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്. പ്രതിയെ തിരിച്ചറിയുന്നതിനായി കാംപസിലെ സിസിടിവി ദൃശ്യങ്ങള്‍ പൊലിസ് വിശദമായി പരിശോധിച്ചു വരികയാണ്. കാംപസിനുള്ളിലെ സുരക്ഷയെ സംബന്ധിച്ച് വിദ്യാര്‍ഥികള്‍ക്കിടയില്‍ ആശങ്ക ഉയര്‍ന്നിട്ടുണ്ട്.

ALSO READ: കോഴിക്കോട് കോര്‍പറേഷനില്‍ 16 കെട്ടിടങ്ങള്‍ 'അണ്‍ഫിറ്റ്'; സുരക്ഷാഭീഷണി നിലനില്‍ക്കെ ഒഴിപ്പിക്കല്‍ അനിശ്ചിതത്വത്തില്‍

A final-year Data Science Engineering student from Salem was injured after being hit on the head by an unidentified assailant while walking with friends to the dining hall at IIT Palakkad, prompting a police investigation into the campus security breach.