നീലേശ്വരം: ഗതാഗതക്കുരുക്കില്‍ വീര്‍പ്പുമുട്ടുന്ന നീലേശ്വരം രാജാ റോഡ് വികസനം ഊര്‍ജിതമാക്കണമെന്ന് സി.പി.ഐ നീലേശ്വരം ലോക്കല്‍ സമ്മേളനം ആവശ്യപ്പെട്ടു.
സംസ്ഥാന സര്‍ക്കാര്‍ ബജറ്റില്‍ തുക അനുവദിക്കുകയും ജനകീയ കമ്മിറ്റി ആവശ്യമായ മറ്റു പ്രവര്‍ത്തനങ്ങള്‍ നടത്തുകയും ചെയ്തുവെങ്കിലും പ്രവര്‍ത്തനം മന്ദഗതിയിലാണ്. ഇക്കാര്യത്തില്‍ ഉത്തരവാദപ്പെട്ടവരുടെ അലംഭാവം അവസാനിപ്പിക്കണമെന്നും സമ്മേളനം ആവശ്യപ്പെട്ടു.
സി.പി.ഐ ജില്ലാ എക്‌സി. അംഗം ബങ്കളം കുഞ്ഞികൃഷ്ണന്‍ ഉദ്ഘാടനം ചെയ്തു.
മന്ത്രി ഇ. ചന്ദ്രശേഖരന്‍, ജില്ലാ സെക്രട്ടറി ഗോവിന്ദന്‍ പള്ളിക്കാപ്പില്‍, എം. അസിനാര്‍, പി. ഭാര്‍ഗവി, പി. വിജയകുമാര്‍, സി. രാഘവന്‍ സംസാരിച്ചു.