പേരാമ്പ്ര: എം.എസ്.എഫ് പേരാമ്പ്ര നിയോജക മണ്ഡലം കമ്മിറ്റി ദയൂബന്ദ് ഡെലിഗേറ്റ്‌സ് കോണ്‍ഫറന്‍സ് സംഘടിപ്പിച്ചു. രാവിലെ ഒന്‍പതിന് സ്വാഗതസംഘം ചെയര്‍മാന്‍ എസ്.കെ അസയിനാര്‍ പതാക ഉയര്‍ത്തി.
600പ്രതിനിധികള്‍ പങ്കെടുത്ത ക്യാംപ് മുസ്‌ലിം യൂത്ത് ലീഗ് സംസ്ഥാന ജന. സെക്രട്ടറി പി.കെ ഫിറോസ് ഉദ്ഘാടനം ചെയ്തു. മണ്ഡലം പ്രസിഡന്റ് മുനീര്‍ നൊച്ചാട് അധ്യക്ഷനായി.
വിവിധ സെഷനുകളിലായി സുലൈമാന്‍ മേല്‍പ്പത്തൂര്‍, രങ്കീഷ് കടവത്ത്, അനഘ വയനാട് സംവദിച്ചു. ജന. സെക്രട്ടറി ജൗഹര്‍ പാലേരി സ്വാഗതവും ട്രഷറര്‍ എ.കെ ഹസീബ് നന്ദിയും പറഞ്ഞു. കെ.ടി റഊഫ്, പാളയാട്ട് ബഷീര്‍, ആനേരി നസീര്‍, സയ്യിദലി തങ്ങള്‍ പാലേരി, ശിഹാബ് കന്നാട്ടി സംസാരിച്ചു.
രാഷ്ട്രീയ ചരിത്ര ക്വിസ് പ്രോഗ്രാമിന് പി.സി സിറാജ്, എന്‍.പി അബ്ദുല്‍ അസീസ് നേതൃത്വം നല്‍കി. സമാപന സമ്മേളനം സംസ്ഥാന എം.എസ്.എഫ് പ്രസിഡന്റ് മിസ്ഹബ് കീഴരിയൂര്‍ ഉദ്ഘാടനം ചെയ്തു. പി.എം സാദിഖലി മുഖ്യപ്രഭാഷണം നടത്തി. എസ്.പി കുഞ്ഞമ്മത്, എസ്.കെ അസയിനാര്‍, സി.പി.എ അസീസ്, സാജിദ് നടുവണ്ണൂര്‍, വി.പി റിയാസ് സലാം, കല്ലൂര്‍ മുഹമ്മദലി, ആവള ഹമീദ്, മൂസ കോത്തമ്പ്ര, പി.സി ഉബൈദ്, ലത്തീഫ് തുറയൂര്‍, അഫ്‌നാസ് ചോറോട് സംസാരിച്ചു.