മസ്‌കത്ത്: വയനാട് മുസ്‌ലിം ഓര്‍ഫനേജ് മസ്‌കത്ത് ചാപ്റ്റര്‍ പ്രവര്‍ത്തക സംഗമം നടത്തി. മസ്‌കത്തിലെ റൂവി ബദര്‍ അല്‍സമ ഓഡിറ്റോറിയത്തില്‍ നടന്ന ചടങ്ങ് എ.കെ.കെ തങ്ങള്‍ ഉദ്ഘാടനം ചെയ്തു.

സമൂഹത്തിലെ പിന്നാക്കം നില്‍ക്കുന്ന വിഭാഗങ്ങളെ മുന്‍നിരയില്‍ എത്തിക്കാന്‍ യത്‌നിക്കുന്ന ഡബ്ല്യു.എം.ഒയുടെ സന്ദേശം കൂടുതല്‍ പേരിലെത്തേണ്ടത് കാലഘട്ടത്തിന്റെ ആവശ്യകതയാെണന്ന് യോഗം വിലയിരുത്തി.

ഡബ്ല്യു.എം.ഒ മസ്‌കറ്റ് ചാപ്റ്ററിന്റെ ജനറല്‍ ബോഡിയും ഇതോട് അനുബന്ധിച്ച് നടന്നു. അഡൈ്വസറി ബോര്‍ഡ് അംഗങ്ങളായി എ.കെ.കെ തങ്ങള്‍, ഉസ്മാന്‍ പുതുക്കുടി, സി.കെ ഉസ്മാന്‍, അബ്ദുറഹിമാന്‍ തുര്‍ക്കി, അന്‍വര്‍ ഹാജി എന്നിവരെ തെരെഞ്ഞെടുത്തു.

ടി.സി അഷ്‌റഫ്(പ്രസി), എം.ടി അബൂബക്കര്‍ സീബ്, അഷ്‌റഫ് കേളോത്ത്, അഷ്‌റഫ് നിടന്തോല്‍, ജംഷീര്‍ വെള്ളമുണ്ട, താജുദ്ദീന്‍ കൂളിവയല്‍(വൈ.പ്രസി), കെ.സി ഇബ്രാഹിം(ജ.സെക്ര), ഹുസൈന്‍ വയനാട്(ട്രഷ), ഫൈസല്‍ കമ്പളക്കാട്(ആക്്റ്റിംങ്ങ് സെക്രട്ടറി) ബഷീര്‍ പി.സി, മുഹമ്മദ് വാണിമേല്‍ എന്നിവരെ ഭാരവാഹികളായും തെരഞ്ഞെടുത്തു. ഡബ്ല്യു.എം.ഒ പ്രസിഡന്റ് കെ.കെ അഹമ്മദ് ഹാജി, ജോയിന്റ് സെക്രട്ടറി മായന്‍ മണിമ, എക്‌സിക്യുട്ടീവ് കമ്മിറ്റിയംഗം അണിയാരത്ത് മമ്മൂട്ടി ഹാജി, ഉമ്മര്‍ ബാപ്പു, മുജീബ് കടലുണ്ടി, റഹിം വറ്റല്ലൂര്‍, ഷമീര്‍ പി.ടി.കെ, റിയാസ് വയനാട് സംസാരിച്ചു. ഇബ്രാഹിം കൊറിയാത്ത് അധ്യക്ഷനായ ചടങ്ങിന് ഫൈസല്‍ വയനാട് സ്വാഗതവും, ഹുസൈന്‍ സി.കെ നന്ദിയും പറഞ്ഞു.