നീലേശ്വരം: വിശപ്പില്ലാത്ത നീലേശ്വരത്തിനായി മര്‍ച്ചന്റ്‌സ് അസോസിയേഷന്റെ പാഥേയം പദ്ധതി. നഗരത്തില്‍ എത്തിപ്പെട്ടു ഉച്ചഭക്ഷണത്തിനു വകയില്ലാതെ ബുദ്ധിമുട്ടുന്നവര്‍ക്ക് ഉച്ചഭക്ഷണം നല്‍കുന്നതാണു പദ്ധതിയെന്നു അസോസിയേഷന്‍ നീലേശ്വരം യൂനിറ്റ് ഭാരവാഹികളായ എന്‍. മഞ്ചുനാഥ പ്രഭു, എ. വിനോദ് കുമാര്‍, സി.എച്ച് ഷംസുദ്ദീന്‍, വി. കുഞ്ഞിരാമന്‍, പി.പി കുഞ്ഞിക്കൃഷ്ണന്‍, കല്ലായി അഷ്‌റഫ്, എം. ജയറാം, നാസര്‍ ഇടക്കാവില്‍ എന്നിവര്‍ അറിയിച്ചു. നീലേശ്വരം പൊലിസ് സ്റ്റേഷന്‍, നഗരസഭാ ഓഫിസ്, നീലേശ്വരം വ്യാപാരഭവന്‍, യൂനിറ്റ് ഭാരവാഹികള്‍, ജ്യോതി ഹാര്‍ഡ്‌വേഴ്‌സ് എന്നിവിടങ്ങളില്‍ ലഭിക്കും.
മാര്‍ക്കറ്റ് ജങ്ഷന്‍, മാര്‍ക്കറ്റ് റോഡ്, മെയിന്‍ ബസാര്‍, ബസ് സ്റ്റാന്‍ഡിനു സമീപം, കോണ്‍വന്റ് ജങ്ഷന്‍ എന്നിവിടങ്ങളിലെ വിവിധ ഹോട്ടലുകളിലാണ് ഉച്ചഭക്ഷണം നല്‍കുക.
നാലിനു രാവിലെ 10 നു കലക്ടര്‍ കെ. ജീവന്‍ ബാബു പദ്ധതി ഉദ്ഘാടനം ചെയ്യും. നഗരസഭാ ചെയര്‍മാന്‍ പ്രഫ.കെ.പി ജയരാജന്‍, അസോസിയേഷന്‍ ജില്ലാ പ്രസിഡന്റ് കെ. അഹമ്മദ് ഷെരീഫ് എന്നിവര്‍ സംബന്ധിക്കും.