മാഹി: ശ്രീനാരായണ ഗുരുവിന്റെ ദൈവദശകമെന്ന പ്രാര്‍ഥനാഗീതം നൂതന സാങ്കേതിക വിദ്യയില്‍ നൃത്തരൂപം നല്‍കി ലോകത്തിന്ന് സമര്‍പ്പിച്ച ലിസി മുരളീധരന്‍ മറ്റൊരു പരീക്ഷണത്തിനൊരുങ്ങുന്നു. ഗുരുദേവ ജ്ഞാനാമൃതമാണ് രംഗവേദിയില്‍ അടുത്തതായി അവതരിപ്പിക്കുന്നത്. ഇതിന്റെ രചനയും സംവിധാനവും ഛായാഗ്രഹണവും അവതരണവും ലിസി മുരളീധരന്‍ തന്നെയാണ് നിര്‍വഹിച്ചത്. ശിവഗിരി മഹാസമാധി മന്ദിര ഗുരുദേവ പ്രതിഷ്ഠാ കനക ജൂബിലിയുടെ ഭാഗമായി ഗുരുധര്‍മ്മ പ്രചാരസഭയാണ് 17ന് ഷാര്‍ജ എക്‌സ്‌പോ സെന്ററില്‍ പരിപാടിക്ക് നേതൃത്വം നല്‍കുന്നത്. ഒന്നര മണിക്കൂര്‍ ദൈര്‍ഘ്യമുള്ള പരിപാടിയില്‍ പതിനഞ്ചോളം കലാകാരന്‍ന്മാര്‍ വേദിയിലെത്തും.