കണ്ണൂര്‍: എല്ലാ രംഗത്തും മുസ്‌ലിം സമുദായം വലിയ വെല്ലുവിളികളാണ് നേരിടുന്നുവെന്ന് സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍. ചെറിയൊരു പ്രശ്‌നം വരുമ്പോള്‍ സമുദായത്തെ ഒന്നടങ്കം മോശക്കാരാക്കുന്ന സ്ഥിതിയാണ് നിലവിലുള്ളത്. ഇതിനെ ജാഗ്രതയോടെ കാണണമെന്നും അദ്ദേഹം പറഞ്ഞു.
ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി കണ്ണൂര്‍ ഇസ്‌ലാമിക് സെന്ററില്‍ സംഘടിപ്പിച്ച കെ.ടി മാനു മുസ്‌ലിയാര്‍ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സമസ്തയെയും വിദ്യാഭ്യാസ ബോര്‍ഡിനേയും നയിച്ചവരില്‍ പ്രധാനിയായിരുന്നു മാനു മുസ്‌ലിയാരെന്ന് അദ്ദേഹം അനുസ്‌രിച്ചു. തീവ്ര ഭീകരവാദ ചിന്തകളെ മുളയിലേ നുള്ളാനും മുസ്‌ലിം സമൂഹത്തെ സമാധാനപാതയില്‍ രജ്യ പുരോഗതിക്കിയി ആത്മാര്‍പ്പണം ചെയ്യാനും പ്രചോദനം ചെയ്യുന്ന സമസ്തയെ അംഗീകരിക്കാനും വളര്‍ത്താനും അദ്ദേഹം ആഹ്വാനം ചെയ്തു. പി.കെ.പി അബ്ദുസലാം മുസ്‌ലിയാര്‍ അധ്യക്ഷനായി.
ഖലീല്‍ ഹുദവി കാസര്‍കോട് മുഖ്യപ്രഭാഷണം നടത്തി. സമസ്ത വിദ്യാഭ്യാസ ബോര്‍ഡ് മെമ്പറായി തെരഞ്ഞെടുക്കപ്പെട്ട പി.പി ഉമര്‍ മുസ്‌ലിയാര്‍ക്കും സംസ്ഥാനത്തെ മികച്ച ഹജ്ജ് ട്രെയിനറായി തെരഞ്ഞടുത്ത സുബൈര്‍ ഹാജി ചക്കരക്കല്ലിനുമുള്ള ജംഇയ്യത്തുല്‍ മുഅല്ലിമീന്റെ ഉപഹാരം ജിഫ്‌രി തങ്ങള്‍ സമ്മാനിച്ചു. മാണിയൂര്‍ അഹ്മദ് മൗലവി പ്രാര്‍ഥനയ്ക്ക് നേതൃത്വം നല്‍കി. സയ്യിദ് കെ.പി.പി തങ്ങള്‍, പി.ടി മുഹമ്മദ്, എസ്.കെ ഹംസ ഹാജി, ബഷീര്‍ ഫൈസി മാണിയൂര്‍, ബഷീര്‍ അസ്അദി, ഫത്താഹ് ദാരിമി മാണിയൂര്‍, സിറാജുദ്ദീന്‍ ദാരിമി കക്കാട്, അബ്ദുശുക്കൂര്‍ ഫൈസി, അഫ്‌സല്‍ രാമന്തളി, ഇബ്‌നു ആദം, ഷരീഫ് ബാഖവി വേശാല, കെ.കെ മുഹമ്മദ് ദാരിമി, ടി. സലീം, റിയാസ് ശാദുലിപ്പള്ളി, അബ്ദുസമദ് മുട്ടം, സജീര്‍ കാടാച്ചിറ സംസാരിച്ചു.