സുല്‍ത്താന്‍ ബത്തേരി: 59.91 ലക്ഷം രൂപയുടെ കുഴല്‍പ്പണവുമായി രണ്ട് പേര്‍ മുത്തങ്ങയില്‍ പിടിയില്‍. കോഴിക്കോട് സ്വദേശികളായ മുഹമ്മദ് (51), ഷാഹിദ് (28) എന്നിവരാണ് മുത്തങ്ങ തകരപ്പാടിയില്‍ ഇന്നലെ വൈകിട്ട് അഞ്ചരയോടെ സുല്‍ത്താന്‍ ബത്തേരി പൊലിസ് നടത്തിയ വാഹന പരിശോധനക്കിടെ പിടിയിലായത്.
മൈസൂരുവില്‍ നിന്ന് കോഴിക്കോട്ടേക്ക് പോകുകയായിരുന്ന ഇവരുടെ കാറില്‍ നിന്നുമാണ് പണം കണ്ടെത്തിയത്. കാറില്‍ പ്രത്യേകം സജ്ജമാക്കിയ അറയില്‍ രണ്ടായിരത്തിന്റെയും അഞ്ഞൂറിന്റെയും കെട്ടുകളായാണ് ഇവ സൂക്ഷിച്ചിരുന്നത്. സംശയം തോന്നി പൊലിസ് വാഹനം പരിശോധിച്ചപ്പോഴാണ് പണം കണ്ടെത്തിയത്. കാറും പൊലിസ് കസ്റ്റഡിയിലെടുത്തിട്ടുണ്ട്. എസ്.ഐ അജീഷ് കുമാറിന്റെ നേതൃത്വത്തിലുള്ള പൊലിസ് സംഘമാണ് പ്രതികളെ അറസ്റ്റ് ചെയ്തത്.