തിരൂര്‍: മംഗലത്ത് സംഘടനാ വിരുദ്ധ പ്രവര്‍ത്തനം നടത്തിയ പാര്‍ട്ടി അംഗങ്ങളായിരുന്ന കെ. സൈതാലിക്കുട്ടി, ടി.പി.ആര്‍ മണികണ്ഠന്‍, കാവില്‍ബാബു എന്നിവരെ പാര്‍ട്ടിയില്‍ നിന്ന് പുറത്താക്കിയതായി സി.പി.ഐ മംഗലം ലോക്കല്‍ കമ്മിറ്റി നേതാക്കള്‍ വാര്‍ത്താ സമ്മേളനത്തില്‍ അറിയിച്ചു. മംഗലം, പുന്നമന, മൂന്നങ്ങാടി, പണ്ടാഴി ഭാഗങ്ങളില്‍ നിന്ന് സി.പി.ഐയിലേക്ക് കൂടുതല്‍ പേര്‍ കടന്നുവരുമ്പോള്‍ സ്ഥാനം നഷ്ടപ്പെടുമെന്ന് ആശങ്കയുള്ളവരാണ് സേവ് സി.പി.ഐ ഫോറം എന്ന പേരില്‍ രംഗത്ത് വന്നിട്ടുള്ളത്. പുതിയ ലോക്കല്‍ കമ്മിറ്റി അസി. സെക്രട്ടറിയായി റുയേഷ് കോഴിശ്ശേരിയെ തെരഞ്ഞെടുത്തതായും നേതാക്കള്‍ അറിയിച്ചു. വാര്‍ത്തസമ്മേളനത്തില്‍ ലോക്കല്‍ സെക്രട്ടറി ടി.പി മോഹനന്‍, കെ.എന്‍. ഉദയന്‍, സി.ടി അബ്ദുല്ലക്കുട്ടി, ഹുസൈന്‍ ഇസ്പാടത്ത് പങ്കെടുത്തു.