കൊണ്ടോട്ടി: സോളാര്‍ കേസ് കുറുക്കന് ആമയെ കിട്ടിയ പോലെ ഇടതുപക്ഷം അന്തവും കുന്തവുമില്ലാതെ തട്ടിക്കളിക്കുകയാണെന്ന് പി.കെ.കുഞ്ഞാലിക്കുട്ടി എം.പി പറഞ്ഞു. പ്രതിപക്ഷനേതാവ് രമേശ് ചെന്നിത്തല നയിക്കുന്ന പടയൊരുക്കം ജാഥയുടെ ആദ്യ സ്വീകരണ യോഗം കൊണ്ടോട്ടിയില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഓരോ സമയത്തും ഓരോ കോലത്തിലാണ് സോളാറുമായി ബന്ധപ്പെട്ട വാര്‍ത്തകള്‍ വരുന്നത്. സോളാര്‍ റിപ്പോര്‍ട്ട് ഉപയോഗിച്ച് യു.ഡി.എഫ് നേതാക്കളെ തകര്‍ക്കാനാണ് ശ്രമമെങ്കില്‍ ആ വെളളം ഇടതുമുന്നണി വാങ്ങിവെച്ചാല്‍ മതിയെന്നും കുഞ്ഞാലിക്കുട്ടി പറഞ്ഞു.