ചെറുപുഴ: മില്‍മ മലബാര്‍ മേഖല യൂനിയന്റെയും കോലുവള്ളി ചെറുപുഴ ക്ഷീരോദ്പാദക സംഘത്തിന്റെയും സംയുക്താഭിമുഖ്യത്തില്‍ ക്ഷീര കര്‍ഷകര്‍ക്കായി വയനാട് ഡയറിയിലേക്ക് പഠനയാത്ര നടത്തി. മില്‍മ മേഖലാ സൂപ്പര്‍വൈസര്‍ മേഘ, ക്ഷീരോദ്പാദക സംഘം ഭാരവാഹികളായ ആന്റണി വളവനാട്ട്, കുട്ടിച്ചന്‍ തുണ്ടിയില്‍, കൂതിരുമ്മല്‍ ദാമോദരന്‍, ബേസില്‍ അഴകത്ത്, രവി പറമ്പന്‍, ഗില്‍ബിച്ചന്‍ കാട്ടുപാലത്ത്, കെ.പി ശ്രീജ നേതൃത്വം നല്‍കി.
കുഴിനിലം പശു ഫാം, വയനാട് ഡയറി, വിവിധ പശുവളര്‍ത്തല്‍ ഫാമുകള്‍, സന്ദര്‍ശിച്ചു. പാലുത്പാദനം, വര്‍ധിപ്പിക്കുന്നതിനും അത്യുദ്പാദന ശേഷിയുള്ള കന്നുകാലി വളര്‍ത്തലിനെ സംബന്ധിച്ചും കര്‍ഷകര്‍ക്ക് അറിവുപകരുന്നതിനും കര്‍ഷക വിജ്ഞാനം വര്‍ധിപ്പിക്കുന്നതിനും ഏറെ ഉപകാരപ്രദമാകുന്നതായിരുന്നു പഠനയാത്ര.