മലപ്പുറം: പ്രധാനമന്ത്രി നരേദ്രമോദിയും മുഖ്യമന്ത്രി പിണറായി വിജയനും രാഷ്ട്രീയത്തിലെ സയാമിസ് ഇരട്ടകളാണെന്നു ഫോര്‍വേഡ് ബ്ലോക്ക് സംസ്ഥാന ജനറല്‍ സെക്രട്ടറി അഡ്വ: വി.റാംമോഹന്‍. തെരഞ്ഞെടുപ്പു സമയത്തു ജനങ്ങള്‍ക്കു നല്‍കിയ വാഗ്ദാനങ്ങള്‍ ലംഘിക്കുന്നതിലും ജനദ്രോഹ നടപടികളിലും വിമര്‍ശനങ്ങളില്‍ സഹിഷ്ണുതയില്ലായ്മ കാണിക്കുന്നതിലും ഇരുവരും ഒരേപോലെയാണു പ്രവര്‍ത്തിക്കുന്നതെന്നും അദ്ദേഹം പറഞ്ഞു.
കേന്ദ്ര, സംസ്ഥാന സര്‍ക്കാറുകളുടെ ജനവഞ്ചനക്കെതിരേ യു.ഡി.എഫ് നേതൃത്വത്തില്‍ പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കത്തിന്റെ മലപ്പുറം ജില്ലയിലെ സ്വീകരണ യോഗങ്ങളില്‍ സംസാരിക്കുകയായിരുന്നു ജാഥാംഗം കൂടിയായ അഡ്വ. വി. റാം മോഹന്‍.