കൊച്ചി: ഐ.ഡി.ബി.ഐ ഫെഡറല്‍ സ്‌പൈസ് കോസ്റ്റ് മാരത്തണില്‍ പങ്കെടുക്കുന്നവര്‍ക്ക് ആവേശം പകര്‍ന്ന് റണ്‍ എക്‌സ്‌പോ. ഇന്നലെ ആര്‍.എസ്.സി ഇന്‍ഡോര്‍ സ്റ്റേഡിയത്തില്‍ നടന്ന എക്‌സ്‌പോയില്‍ നാലായിരത്തിലധികം പേരാണ് പങ്കെടുത്തത്.
നാലായിരത്തോളം പേര്‍ പങ്കെടുക്കുന്ന മാരത്തണ്‍ ഇന്ന് സച്ചിന്‍ ടെണ്ടുല്‍ക്കര്‍ ഫ്‌ളാഗ് ഓഫ് ചെയ്യും. മൂന്ന് വിഭാഗങ്ങളിലായി നടക്കുന്ന മത്സരങ്ങള്‍ വെല്ലിങ്ടണ്‍ ഐലന്‍ഡിലെ കെ.കെ പ്രേമചന്ദ്രന്‍ സ്‌പോര്‍ട്‌സ് കോംപ്ലക്‌സില്‍ നിന്ന് ആരംഭിക്കും. 42 കിലോ മീറ്റര്‍ ദൈര്‍ഘ്യമുള്ള ഫുള്‍ മാരത്തണ്‍ പുലര്‍ച്ചെ നാലിനും 21.1 കിലോ മീറ്റര്‍ ദൈര്‍ഘ്യമുള്ള ഹാഫ് മാരത്തണ്‍ അഞ്ചിനും എട്ട് കിലോ മീറ്റര്‍ ദൈര്‍ഘ്യമുള്ള ഫാമിലി റണ്‍ രാവിലെ ഏഴിനും ആരംഭിക്കും.