കോയമ്പത്തൂര്‍: പ്രണയാഭ്യര്‍ഥന നിരസിച്ചതിന് കോയമ്പത്തൂരിനടുത്ത പൊള്ളാച്ചിയില്‍ യുവാവ് പ്ലസ്ടു വിദ്യാര്‍ഥിനിയെ നടുറോഡില്‍ പെട്രോള്‍ ഒഴിച്ചു തീവച്ചു. പൊള്ളാച്ചിയിലെ ശെഞ്ചേരിയിലാണ് സംഭവം. സ്ഥലത്തെ ഒരു ഹയര്‍ സെക്കന്‍ഡറി സ്‌കൂളിലെ 17 കാരിയാണ് ആക്രമണത്തിനു ഇരയായത്.
സെല്‍വകുമാര്‍ (23) എന്ന യുവാവാണ് ആക്രമണം നടത്തിയത്. വിദ്യാര്‍ഥിനിയെ കോയമ്പത്തൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പ്രതി ശെല്‍വകുമാറിനായി പൊലിസ് തിരഞ്ഞുകൊണ്ടിരിക്കുകയാണ്.