ബൈറൂത്ത്: പ്രധാനമന്ത്രിയായിരുന്ന സഅദ് അല്‍ ഹരീരി സഊദിയില്‍ നിന്ന് മടങ്ങാത്തതിന്റെ കാരണമെന്തെന്ന് ലബനാന്‍ പ്രസിഡന്റ് മിഷേല്‍ ഔന്‍. പ്രധാനമന്ത്രി സ്ഥാനം രാജിവയ്ക്കുകയാണെന്ന് ഹരീരി പ്രഖ്യാപിച്ചിരുന്നത് സഊദിയില്‍ നടത്തിയ ഔദ്യോഗിക സന്ദര്‍ശനത്തിനിടെയായിരുന്നു. എന്നാല്‍ ഹരീരി ഇതുവരെ ലബനാനിലേക്ക് മടങ്ങുകയോ എവിടെയാണുള്ളതെന്ന് വ്യക്തതയോ ഇല്ല.
പ്രധാനമന്ത്രിയെ സംബന്ധിച്ച് വ്യക്തതയില്ലാത്ത സാഹചര്യം അംഗീകരിക്കില്ലെന്നും യാതാര്‍ഥ്യത്തോട് യോജിക്കാത്തതാണ് നിലവിലെ സാഹചര്യമെന്നും മിഷേല്‍ ഔന്‍ പറഞ്ഞു. അതിനിടെ ഹരീരിയെ തട്ടിക്കൊണ്ടുപോയതാണെന്നും പ്രതിരോധ നടപടികള്‍ സ്വീകരിക്കല്‍ അനിവാര്യമാണെന്നും മിഷേല്‍ ഔന്‍ വിദേശകാര്യ അംബാസഡറോട് പറഞ്ഞതായി ലബനാനിലെ ഔദ്യോഗിക വൃത്തങ്ങള്‍ പറഞ്ഞു.