സിഡ്‌നി: ഇംഗ്ലണ്ടും ആസ്‌ത്രേലിയയും തമ്മിലുള്ള വനിതാ ആഷസ് ക്രിക്കറ്റ് പോരാട്ടം സമനിലയില്‍ അവസാനിച്ചു. ആസ്‌ത്രേലിയ ഒന്നാം ഇന്നിങ്‌സില്‍ ഒന്‍പതിന് 448 റണ്‍സെടുത്ത് ഡിക്ലയര്‍ ചെയ്തപ്പോള്‍ ഇംഗ്ലണ്ട് ഒന്നാം ഇന്നിങ്‌സില്‍ 280, രണ്ടാമിന്നിങ്‌സില്‍ രണ്ടിന് 206 എന്ന നിലയിലും സ്‌കോര്‍ കണ്ടെത്തി. ഇരട്ട സെഞ്ച്വറി (213) നേടി പുറത്താകാതെ നിന്ന് ആസ്‌ത്രേലിയയെ മികച്ച സ്‌കോറിലെത്തിച്ച എല്ലിസെ പെറിയാണ് കളിയിലെ താരം. ടെസ്റ്റില്‍ ഏറ്റവും ഉയര്‍ന്ന വ്യക്തിഗത സ്‌കോര്‍ സ്വന്തമാക്കുന്ന ഓസീസ് താരമായും പെറി മാറി.