മാവൂര്‍: എസ്.കെ.എസ്.എസ്.എഫ് സുകൃതദേശം കാംപയിനിന്റെ എന്‍.ഐ.ടി മേഖലാതല ഉദ്ഘാടനം മാവൂര്‍ ക്ലസ്റ്ററിലെ പാറമ്മല്‍ ശാഖയില്‍ പഞ്ചായത്ത് വൈസ് പ്രസിഡന്റ് വളപ്പില്‍ റസാഖ് ഉദ്ഘാടനം ചെയ്തു.
വിദ്യാര്‍ഥികള്‍ കേവലം നാളെയുടെ കരുതല്‍ സ്വത്തല്ലെന്നും ഇന്നുതന്നെ പരിഗണന അര്‍ഹിക്കുന്നവരാണെന്നും അദ്ദേഹം അഭിപ്രായപ്പെട്ടു. മേഖലാ പ്രസിഡന്റ് അബ്ദുല്‍ കരീം നിസാമി അധ്യക്ഷനായി. ജില്ലാ ജനറല്‍ സെക്രട്ടറി ഒ.പി അഷ്‌റഫ് ആമുഖപ്രഭാഷണം നടത്തി.
ട്രെന്‍ഡ് ട്രെയിനര്‍ ഫൈസല്‍ മാസ്റ്റര്‍ പുല്ലാളൂര്‍ ക്ലാസിനു നേതൃത്വം നല്‍കി. മഹല്ല് പ്രസിഡന്റ് എന്‍.പി അഹമ്മദ്, പി.എം.സി മുഹമ്മദ്, മുരട്ടീരി അബ്ദു, എം.പി കരീം സംസാരിച്ചു. അഷ്‌കര്‍ പുവ്വാട്ടുപറമ്പ്, സലാം മാസ്റ്റര്‍ മലയമ്മ, താജുറഹ്മാന്‍ പാഴുര്‍, സൈദ് അലവി ആയംകുളം, സുഹൈല്‍ കല്‍പള്ളി, നിയാസ് മാവൂര്‍, ഹനീഫ പാറമ്മല്‍, ശുകൂര്‍ പാറമ്മല്‍ സംബന്ധിച്ചു.