കോഴിക്കോട്: 'പ്രകാശമാണ് തിരുനബി (സ)' പ്രമേയത്തില്‍ എസ്.വൈ.എസ് സംസ്ഥാന കമ്മിറ്റി നടത്തുന്ന റബീഅ് കാംപയിനിന് ജില്ലയില്‍ അന്തിമരൂപമായി. മീലാദ് വിളംബരമായി ഈ മാസം 18ന് വൈകിട്ട് നാലിന് കൊടുവള്ളിയില്‍ ബഹുജനറാലി നടക്കും. 19ന് വൈകിട്ട് നാലിന് ഉദ്ഘാടന സമ്മേളനം പൂനൂരില്‍ നടക്കും. പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, അബ്ദുല്‍ ഹമീദ് ഫൈസി അമ്പലക്കടവ്, നാസര്‍ ഫൈസി കൂടത്തായി, ആബിദ് ഹുദവി തച്ചണ്ണ സംസാരിക്കും.
കാംപയിനിന്റെ ഭാഗമായി ജില്ലയിലെ 500ഓളം ശാഖകളില്‍ പ്രമേയ പ്രഭാഷണങ്ങളും 'മൗലിദ് പ്രമാണങ്ങളില്‍' വിഷയത്തില്‍ ചര്‍ച്ചകളും പഞ്ചായത്ത് കമ്മിറ്റികളുടെ മേല്‍നോട്ടത്തില്‍ മൂന്നു ലക്ഷത്തോളം ലഘുലേഖ വിതരണവും മണ്ഡലം തലങ്ങളില്‍ മീലാദ് സംഗമങ്ങളും റാലികളും നടക്കും. ജില്ലാ ആമിലാ സംഗമം കൊടുവള്ളിയില്‍ ഈ മാസം 17ന് വൈകിട്ട് നാലിന് തുടങ്ങി 18ന് വൈകിട്ട് നാലിന് സമാപിക്കും. സംഘാടകസമിതി യോഗത്തില്‍ ജില്ലാ പ്രസിഡന്റ് സി.എച്ച് മഹ്മൂദ് സഅദി അധ്യക്ഷനായി.