പുത്തനത്താണി: പൊന്മുണ്ടം ബൈപാസില്‍ അനധികൃതമായി വാഹനങ്ങള്‍ പാര്‍ക്കു ചെയ്യുന്നത് നാട്ടുകാര്‍ക്ക് ദുരിതമായി മാറുന്നു. വൈലത്തൂര്‍ ടൗണിലെ ഗതാഗത തടസ്സം മൂലം ബൈപ്പാസ് വഴിയാണ് വാഹനങ്ങള്‍ കടത്തി വിടാറ്. എന്നാല്‍ ബൈപ്പാസ് റോഡില്‍ അനധികൃത ചരക്കു ലോറികളടക്കമുള്ള വാഹനങ്ങളുടെ പാര്‍ക്കിങ്ങ് മൂലം ഇതിനു കഴിയാതെ ഇത് വഴി പോകേണ്ട വാഹനങ്ങളും യാത്രക്കാരും മറ്റും ബുദ്ധിമുട്ടുകയാണ്. ലോറികളില്‍ കാര്‍ ഇടിച്ചു പരിക്കേറ്റ സംഭവമുള്‍പ്പടെ ഇവിടെയുണ്ടായിട്ടുണ്ട്. പരിസരത്തെ വീട്ടുകാര്‍ക്കും നാട്ടുകാര്‍ക്കും ശല്യമാകുന്ന ബൈപാസിലെ അനധികൃത പാര്‍ക്കിംങ്ങ് നിരോധിക്കണമെന്ന ആവശ്യം ശക്തമായിരിക്കയാണ്.