പേരാമ്പ്ര: കക്കയത്ത് വനത്തില്‍നിന്ന് കാട്ടുപോത്തിനെ വേട്ടയാടി കൊന്ന് ഇറച്ചിയാക്കി വീട്ടില്‍ സൂക്ഷിച്ച നായാട്ടുസംഘത്തിലെ മുഖ്യപ്രതി മരുതോളി ബേബിയുടെ ഭാര്യ ലൈലയെ ( 52 ) കൂരാച്ചുണ്ട് പൊലിസ് അറസ്റ്റ് ചെയ്തു.
വനത്തില്‍ അതിക്രമിച്ചുകടന്ന് കാട്ടുപോത്തിനെ വേട്ടയാടുന്നുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ അന്വേഷണത്തിനെത്തിയ വനപാലകരെ ബേബിയും ഭാര്യ ലൈലയും മകനും കത്തിയും മറ്റു ആയുധങ്ങളും ഉപയോഗിച്ച് ആക്രമിക്കുകയായിരുന്നു.
വേട്ട കഴിഞ്ഞ് ഇറച്ചിയുമായെത്തിയ ബേബി വനപാലകരെ മല്‍പ്പിടിത്തത്തില്‍നിന്ന് കുതറി ഓടി കത്തിവീശിയാണ് പരുക്കേല്‍പ്പിച്ചത്. ബേബിയും മകനും മറ്റൊരാളും ഒളിവിലാണ്.