നാദാപുരം: തലശ്ശേരി-തൊട്ടില്‍പ്പാലം റൂട്ടില്‍ സംയുക്ത തൊഴിലാളി യൂനിയന്‍ ആരംഭിച്ച ബസ് സമരം ഇന്നും തുടരും. ചൊവ്വാഴ്ച വൈകിട്ട് ഇരിങ്ങണ്ണൂര്‍ ഹൈസ്‌കൂള്‍ സ്റ്റോപ്പിന് സമീപത്തുവച്ച് എസ്.എഫ്.ഐ പ്രവര്‍ത്തകര്‍ ബസ് തടഞ്ഞ് ജീവനക്കാരെ മര്‍ദിച്ചതില്‍ പ്രതിഷേധിച്ചാണ് സമരം ആരംഭിച്ചത്.
സ്റ്റോപ്പില്‍ വിദ്യാര്‍ഥികളെ ഇറക്കിയില്ലെന്ന് ആരോപിച്ചായിരുന്നു ബസ് തടഞ്ഞത്. മര്‍ദനത്തില്‍ തലശ്ശേരി കൂരാച്ചുണ്ട് റൂട്ടില്‍ സര്‍വിസ് നടത്തുന്ന ബസ് ഡ്രൈവര്‍ കുറുവന്തേരി രാജേഷ്, കണ്ടക്ടര്‍ ചൊക്ലിയിലെ നിഖില്‍, ക്ലീനര്‍ തൊട്ടില്‍പ്പാലത്തെ അനൂപ് എന്നിവര്‍ക്ക് പരുക്കേറ്റിരുന്നു. റോഡില്‍ മാര്‍ഗ തടസം സൃഷ്ടിച്ചതിന് ബസ് ജീവനക്കാര്‍ക്കെതിരേയും പൊലിസ് കേസെടുത്തിരുന്നു. ഇവരെ പിന്നീട് ജാമ്യത്തില്‍ വിട്ടയക്കുകയായിരുന്നു.അതേസമയം വിദ്യാര്‍ഥി സംഘടനകളെയും സ്‌കൂള്‍ അധികൃതരെയും തൊഴിലാളി നേതാക്കളെയും ഉള്‍ക്കൊള്ളിച്ചുള്ള സംയുക്തയോഗം ഇന്ന് നാദാപുരം ഡി വൈ.എസ്.പി ഓഫിസില്‍ വിളിച്ചു ചേര്‍ത്തിട്ടുണ്ട്.