എടപ്പാള്‍: സംസ്ഥാന പാതയില്‍ അപകടം നിറഞ്ഞ ഭാഗങ്ങളിലും റിഫ്‌ളക്ടര്‍ സ്റ്റഡുകള്‍ സ്ഥാപിച്ചു. കുറ്റിപ്പുറം ചൂണ്ടല്‍ പാതയില്‍ കുറ്റിപ്പുറം മുതല്‍ ജില്ലാ അതിര്‍ത്തിയ കടവല്ലൂര്‍ പാടം വരെയുള്ള ഭാഗങ്ങളിലാണ് റിഫ്‌ളക്ടര്‍ സ്ഥാപിച്ചത്. റോഡ് നവീകരണത്തിന്റെ ഭാഗമായി മുന്‍പ് സ്ഥാപിച്ചിരുന്നവ വാഹനങ്ങള്‍ കയറി ഇറങ്ങി തകര്‍ന്നിരുന്നു. യാത്രക്കാരുടേയും വിവിധ സംഘടനകളുടേയും പൊലിസിന്റെയും ആവശ്യപ്രകാരം പൊതുമരാമത്ത് വകുപ്പാണ് റോഡില്‍ റിഫ്‌ളക്ടറും സീബ്രാലൈനുകളും പുതുക്കിയത്.