ഹിദായ നഗര്‍ (തിരൂരങ്ങാടി): ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ സ്വാതന്ത്ര്യദിനാഘോഷത്തിന്റെ ഭാഗമായി ഇന്ന്  ഫ്രീഡം അസംബ്ലി നടക്കും. സ്റ്റുഡന്റ്‌സ് യൂനിയനും യു.ജി വിദ്യാര്‍ഥി സംഘടന (അസാസ്) യും സംയുക്തമായി നടത്തുന്ന  ഫ്രീഡം അസംബ്ലിയില്‍ വാഴ്‌സിറ്റിയിലെ വിവിധ സെക്ഷനുകളിലെ 1500ഓളം വിദ്യാര്‍ഥികള്‍ അണിനിരക്കും.
വി.സി ഡോ. ബഹാഉദ്ദീന്‍ മുഹമ്മദ് നദ്‌വി പതാക ഉയര്‍ത്തും. തുടര്‍ന്ന് ദാറുല്‍ഹുദാ നാഷണല്‍ ഇന്‍സ്റ്റിറ്റ്യൂട്ടിലെ വിവിധ സംസ്ഥാനങ്ങളില്‍ നിന്നുള്ള വിദ്യാര്‍ഥികളുടെ ഫ്രീഡം വാക്ക്, സ്‌കൗട്ട് പരേഡ്, സ്വാതന്ത്ര്യദിന സന്ദേശ പ്രഭാഷണങ്ങള്‍, വിവിധ ഭാഷകളിലുള്ള ദേശഭക്തി ഗാനാലാപനങ്ങള്‍ എന്നിവ നടക്കും.