കൊച്ചി: കേരളത്തിലെ വേരുകള്‍ ഉറച്ചതാണെന്ന പ്രഖ്യാപനവുമായി മാവോയിസ്റ്റുകള്‍. ജനങ്ങളുമായുള്ള ബന്ധം വിപുലമാക്കി ഭരണകൂടത്തെ നേരിടുമെന്ന് വനിതാ മാവോയിസ്റ്റ് നേതാവ് അനു പറഞ്ഞു. ആദിവാസി, ദുര്‍ബല ജനവിഭാഗങ്ങളില്‍ സ്വാധീനമുറപ്പിച്ചു ഭരണകൂടത്തെ നേരിടുന്ന പതിവു രീതിയാണു കേരളത്തിലും അവലംബിക്കുന്നത്. അനുഭാവമുള്ളവരുടെ പിന്തുണ പുറത്തും ലഭിക്കുമെന്ന് ഒരു സ്വകാര്യ ചാനലിനു നല്‍കിയ അഭിമുഖത്തില്‍ അനു പറഞ്ഞു.  ജനങ്ങള്‍ മാവോയിസ്റ്റുകളെ സ്വീകരിക്കുന്നതായാണ് അനുഭവം. കൂടുതല്‍ ആളുകളിലേയ്‌ക്കെത്താനുളള തടസം ഭരണകൂടം സൃഷ്ടിക്കുന്നുവെന്ന് മാവോയിസ്റ്റുകള്‍ പറയുന്നു.