കൊച്ചി: ഇടമുന്നണിക്കകത്തെ സി.പി.എം- സി.പി.ഐ തര്‍ക്കം സംസ്ഥാനത്ത് ഭരണ പ്രതിസന്ധിയുണ്ടാക്കിയിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല.  ട്രഷറി പോലും അടച്ചു പൂട്ടേണ്ട അവസ്ഥ വന്നിരിക്കുകയാണെന്ന് അദ്ദേഹം വാര്‍ത്താ സമ്മേളനത്തില്‍ ആരോപിച്ചു

കോണ്‍ഗ്രസ് പടയൊരുക്കം യാത്ര തുടങ്ങിയപ്പോള്‍ ഇടതു മുന്നണി 'പടയൊരുക്കം' നടത്തുകയാണെന്ന് അദ്ദേഹം പരിഹസിച്ചു. സംസ്ഥാന ഭരണം ഐ.സി.യുവിലാണ്. അടിയന്തര ചികിത്സ നല്‍കിയില്ലെങ്കില്‍ രോഗി മരിക്കും. ഇടതു മുന്നണിയിലുള്ള വിശ്വാസം ജനങ്ങള്‍ക്ക് നഷ്ടപ്പെട്ടു കൊണ്ടിരിക്കുകയാണെന്നും അദ്ദേഹം കൂട്ടിച്ചേര്‍ത്തു.