ബെര്‍ലിന്‍: അഭയാര്‍ഥി അനുകൂല നിലപാടിന്റെ പേരില്‍ പ്രശംസ പിടിച്ചുപറ്റിയ ജര്‍മന്‍ മേയര്‍ക്കെതിരേ കത്തിയാക്രമണം. കിഴക്കന്‍ ജര്‍മനിയിലെ അല്‍റ്റേനയുടെ മേയര്‍ ആന്‍ഡ്രിയാസ് ഹോള്‍സ്റ്റേയിനിനുനേരെയാണ് കബാബ് ഷോപ്പില്‍ കൈയേറ്റമുണ്ടായത്.
ഇവിടെയൊരു കബാബ് ഷോപ്പിലിരിക്കെ കത്തിയുമായെത്തിയ അക്രമി ആന്‍ഡ്രിയാസിന്റെ കഴുത്തിന് കുത്തുകയായിരുന്നു. അഭയാര്‍ഥി നയത്തെ ആക്ഷേപിച്ച് ഇയാള്‍ ഉച്ചത്തില്‍ സംസാരിച്ചതായും ദൃക്‌സാക്ഷികള്‍ പറഞ്ഞു. കടയുടമയായ അബ്ദുല്ല ദെമിറും അദ്ദേഹത്തിന്റെ ഭാര്യയും ചേര്‍ന്നാണ് മേയറെ രക്ഷിച്ചത്.നോര്‍ത്ത് റൈന്‍ വെസ്റ്റ്ഫാലിയയിലെ ക്വാട്ടയ്ക്കു പുറമെ അഭയാര്‍ഥികളെ സ്വീകരിച്ച നഗരമാണ് അല്‍റ്റേന. അക്രമിയെ പൊലിസ് കസ്റ്റഡിയിലെടുത്തു.