മലപ്പുറം: സാങ്കേതിക തകരാറിനാല്‍ വോട്ടര്‍പട്ടികയില്‍പേരുചേര്‍ക്കാന്‍ കഴിയാത്ത സംഭവത്തില്‍ പ്രശ്‌ന പരിഹാരത്തിന് ഇ.ടി മുഹമ്മദ് ബഷീര്‍ എം.പി സംസ്ഥാന അഡീഷണല്‍ ചീഫ് ഇലക്ടറല്‍ ഓഫിസറോട് ആവശ്യപ്പെട്ടു. അടിയന്തര നടപടികള്‍ സ്വീകരിക്കുമെന്ന് എ.സി.ഇ.ഒ എം.പിക്ക് ഉറപ്പു നല്‍കി. വോട്ടര്‍ പട്ടികയില്‍ പേര് ചേര്‍ക്കുന്നതിനുള്ള തിയതി നീട്ടണമെന്ന് കേന്ദ്ര തെരഞ്ഞെടുപ്പ് കമ്മിഷനോട് അഭ്യര്‍ഥിച്ചിട്ടുണ്ടെന്നും അഡീഷണല്‍ ചീഫ് ഇലക്ടറല്‍ ഓഫിസര്‍ പറഞ്ഞു. പേര് ചേര്‍ക്കാന്‍ സാധിക്കാതെ പോയവര്‍ക്ക് അടുത്ത ജനുവരി മുതല്‍ വീണ്ടും അതിനുള്ള സൈറ്റ് തുറന്നു കൊടുക്കുമെന്നും എ.സി.ഇ.ഒ അറിയിച്ചു.