ലക്‌നോ: ഉത്തര്‍പ്രദേശിലെ തദ്ദേശ തെരഞ്ഞെടുപ്പില്‍ ബി.ജെ.പി വോട്ടിങ് യന്ത്രങ്ങള്‍ ദുരുപയോഗം ചെയ്‌തെന്ന ആരോപണവുമായി സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്. ഇലക്ട്രോണിക് വോട്ടിങ് യന്ത്രങ്ങള്‍ ഉപയോഗിച്ച സ്ഥലങ്ങളിലാണ് ബി.ജെ.പി വന്‍ വിജയം നേടിയതെന്നും അല്ലാത്തയിടങ്ങളില്‍ അവര്‍ക്കു വെറും 15 ശതമാനം വോട്ടാണ് നേടാനായതെന്നും അദ്ദേഹം പറഞ്ഞു.
വോട്ടിങ് യന്ത്രങ്ങള്‍ ഉപയോഗിച്ചയിടങ്ങളില്‍ ബി.ജെ.പി നേടിയത് 46 ശതമാനം വോട്ടാണ്. എന്നാല്‍, കഴിഞ്ഞ നിയമസഭാ തെരഞ്ഞെടുപ്പിന് അപേക്ഷിച്ച് ബി.ജെ.പിക്കു വന്‍ തോതില്‍ വോട്ടുകള്‍ കുറഞ്ഞെന്നും അദ്ദേഹം പറഞ്ഞു.