ചേലക്കര: കേരള സ്‌റ്റേറ്റ് എക്‌സ് സര്‍വീസസ് ലീഗ് പഴയന്നൂര്‍ ബ്ലോക്ക് കമ്മിറ്റിയുടെ നേതൃത്വത്തില്‍ ഇന്ന് മിനി മാരത്തണ്‍ സംഘടിപ്പിക്കുന്നു. ലഫ്. കേണല്‍ പി.ജെ പോള്‍സണ്‍ സ്മാരക മാരത്തോണില്‍ മേഖലയിലെ സ്‌ക്കൂള്‍ വിദ്യാര്‍ഥികളടക്കം നിരവധി പേര്‍ പങ്കെടുക്കും.
രാവിലെ ഒമ്പതിന് മുഖാരിക്കുന്ന് സ്‌ക്കൂള്‍ ഗ്രൗണ്ടില്‍ നിന്നും ആരംഭിക്കുന്ന മാരത്തോണ്‍ മുഖ്യരക്ഷാധികാരി എ.കേശവന്‍ ഫ്‌ളാഗ് ഓഫ് ചെയ്യും. സമാപന സമ്മേളനം 11.30ന് ചേലക്കര അനില ഓഡിറ്റോറിയത്തില്‍ യു.ആര്‍ പ്രദീപ് എം.എല്‍.എ ഉദ്ഘാടനം ചെയ്യും.
ചടങ്ങില്‍വെച്ച് വിജയികള്‍ക്ക് സമ്മാന വിതരണവും, ഉന്നത വിജയം നേടിയ വിദ്യാര്‍ഥികള്‍ക്ക് അവാര്‍ഡ് വിതരണവും ഉണ്ടാകുമെന്ന് ഭാരവാഹികളായ എ.കേശവന്‍, പി.വി.കെ ബാലകൃഷ്ണന്‍, കെ.ആര്‍ ഗോപിനാഥന്‍ നായര്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു.