വാടാനപ്പള്ളി: ഗ്രാമപഞ്ചായത്തിലെ എല്ലാവര്‍ക്കും വീട് നല്‍കുന്ന പദ്ധതിക്ക് തളിക്കുളം ഗ്രാമപഞ്ചായത്ത് വികസന സെമിനാറില്‍ രൂപം നല്‍കി.
പ്ലാസ്റ്റിക് ഉപയോഗ നിയന്ത്രണം, കൃഷി അടിസ്ഥാന സൗകര്യ വികസനം, സര്‍ക്കാര്‍ സ്‌കൂള്‍ വിദ്യാര്‍ഥികള്‍ക്ക് സമ്പൂര്‍ണ കുടിവെള്ള വിതരണം, മാലിന്യ സംസ്‌കരണ പ്ലാന്റ്, വെള്ളക്കെട്ട് ഒഴിവാക്കല്‍, ഡ്രൈനേജ് എന്നിവയുള്‍പ്പെടെയുള്ളവക്ക് 6.82 കോടി രൂപയുടെ പദ്ധതികള്‍ക്ക് സെമിനാറില്‍ രൂപം നല്‍കി.
വികസന സെമിനാര്‍ കാര്‍ത്തിക ഓഡിറ്റോറിയത്തില്‍ ഗീതാ ഗോപി എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കെ.കെ രജനി അധ്യക്ഷയായിരുന്നു.
0വികസന ചെയര്‍പേഴ്‌സണ്‍ പി.ഐ സജിത കരട് പദ്ധതി രേഖക്ക് അവതരണം നടത്തി. ആരോഗ്യ - വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സന്ധ്യ രാമകൃഷ്ണന്‍, ബ്ലോക്ക് പഞ്ചായത്ത് അംഗങ്ങളായ കെ.ബി വാസന്തി, ടി.വി ഷൈന്‍, ഗ്രാമപഞ്ചായത്തംഗം പി.ഐ ഷൗക്കത്തലി സംസാരിച്ചു.
വൈസ് പ്രസിഡന്റ് എം.കെ ബാബു സ്വാഗതവും, ഗ്രാമപഞ്ചായത്ത് സെക്രട്ടറി ബെനഡിക്ട് ആന്റണി നന്ദിയും പറഞ്ഞു.