പെര്‍ത്ത്: ആസ്‌ത്രേലിയയും ഇംഗ്ലണ്ടും തമ്മിലുള്ള മൂന്നാം ആഷസ് ടെസ്റ്റിന് ഇന്ന് പെര്‍ത്തില്‍ തുടക്കമാകും. ആദ്യ രണ്ട് മത്സരങ്ങളും വിജയിച്ച് പരമ്പരയില്‍ ആസ്‌ത്രേലിയ 2-0ത്തിന് മുന്നിലാണ്. ഇന്ന് മുതല്‍ ആരംഭിക്കുന്ന മൂന്നാം ടെസ്റ്റില്‍ വിജയിച്ചാല്‍ ആസ്‌ത്രേലിയക്ക് പരമ്പര സ്വന്തമാക്കാം. മറുഭാഗത്ത് ഇംഗ്ലണ്ടിന് പരമ്പരയില്‍ ആയുസ് നീട്ടി കിട്ടാനുള്ള അവസാന അവസരമാണിത്. പരുക്കേറ്റ പീറ്റര്‍ ഹാന്‍ഡ്‌കോംപിന് പകരം ഓള്‍റൗണ്ടര്‍ മിച്ചല്‍ മാര്‍ഷ് ഓസീസ് ടീമില്‍ ഇടം പിടിച്ചേക്കും.