തിരുവനന്തപുരം: വി.സിയുടെ രാജി ആവശ്യപ്പെട്ട് കേരള സര്‍വകലാശാലയിലേക്ക് എസ്.എഫ്.ഐ നടത്തിയ മാര്‍ച്ചില്‍ സംഘര്‍ഷം. സര്‍വകലാശാലാ കവാടം തള്ളിത്തുറന്ന് അകത്തേക്കു കടക്കാന്‍ ശ്രമിച്ച വിദ്യാര്‍ഥികള്‍ക്കുനേരെ പൊലിസ് ലാത്തി വീശി.

ഉന്തും തള്ളും രൂക്ഷമായതോടെ പ്രവര്‍ത്തകരെ പിരിച്ചുവിടാന്‍ പൊലിസ് ജലപീരങ്കി പ്രയോഗിച്ചു.

ഒരു വിദ്യാര്‍ഥിക്ക് വഴിവിട്ട് സര്‍വകലാശാല മാര്‍ക്ക് നല്‍കിയ വിഷയത്തിലാണ് എസ്.എഫ്.ഐ വൈസ് ചാന്‍സലര്‍ക്കെതിരെ രംഗത്തുവന്നത്. വി.സി രാജിവെക്കണമെന്നാണ് എസ്.എഫ്.ഐയിടെ ആവശ്യം. സംഘര്‍ഷമുണ്ടായതിന് പിന്നാലെ ആസ്ഥാനത്തിനു മുന്നില്‍ എസ്.എഫ്.ഐ പ്രവര്‍ത്തകര്‍ കുത്തിയിരുന്നു. സര്‍വകലാശാല സിന്‍ഡിക്കേറ്റ് യോഗം ശനിയാഴ്ച്ച വിഷയം ചര്‍ച്ച ചെയ്യാന്‍ ഇരിക്കവെയാണ് എസ്.എഫ്.ഐയുടെ മാര്‍ച്ച്.