തിരുവനന്തപുരം: കോണ്‍ഗ്രസ് അദ്ധ്യക്ഷനായി രാഹുല്‍ഗാന്ധി ചുമതലയേറ്റത് കേരളത്തിലെ കോണ്‍ഗ്രസ് പ്രവര്‍ത്തകരും ആഘോഷമാക്കി.
കെ.പി.സി.സി ആസ്ഥാനത്ത് പ്രവര്‍ത്തകര്‍ മുദ്രാവാക്യം വിളിച്ചും, പടക്കം പൊട്ടിച്ചും, മധുരപലഹാരങ്ങള്‍ വിതരണം ചെയ്തും ആഹ്ലാദം പങ്കുവച്ചു. ഡി.സി.സികളുടെ നേതൃത്വത്തില്‍ മധുരപലഹാര വിതരണവും പ്രകടനങ്ങളും നടത്തി.
കെ.പി.സി.സി മുന്‍ പ്രസിഡന്റുമാരായ തെന്നല ബാലകൃഷ്ണപിള്ള, വി.എം സുധീരന്‍, കെ.പി.സി.സി ജനറല്‍ സെക്രട്ടറി ശരത്ചന്ദ്രപ്രസാദ് തുടങ്ങിയവര്‍ പങ്കെടുത്തു.