അഹമ്മദാബാദ്: ഗുജറാത്ത് തെരഞ്ഞെടുപ്പില്‍ ബി.ജെപി പരാജയപ്പെടുമെന്ന് ദലിത് അധികാര മഞ്ച് നേതാവ് ജിഗ്നേഷ് മേവാനി. എക്‌സിറ്റ് പോളുകളില്‍ ബി.ജെ.പി ജയിക്കുമെന്ന പ്രചാരണം വസ്്തുതാ വിരുദ്ധമാണ്. വഡ്ഗാമില്‍ റിപോളിങ് നടക്കുന്ന ബൂത്ത് സന്ദര്‍ശിച്ച് സംസാരിക്കുകയായിരുന്നു അദ്ദേഹം. ഇവിടെ രണ്ടു ബൂത്തുകളില്‍ ഇലക്ട്രോണിക് വോട്ടിങ് മെഷിനുകളില്‍ മഷി കൊണ്ടുള്ള അടയാളം കണ്ടതിനാല്‍ ബി.ജെ.പി പരാതിപ്പെട്ടതിനെ തുടര്‍ന്ന് വോട്ടെടുപ്പ് റദ്ദാക്കുകയായിരുന്നു.
വഡ്ഗാമിലെ സ്വതന്ത്ര സ്ഥാനാര്‍ഥിയായ ജിഗ്നേഷ് മേവാനിയുടെ തെരഞ്ഞെടുപ്പ് ചിഹ്‌നത്തിനടുത്താണ് മഷികൊണ്ടുള്ള അടയാളം കണ്ടത്. കോണ്‍ഗ്രസിന്റെ മൗനമായ പിന്തുണയോടെയാണ് മേവാനി ഇവിടെ മത്സരിക്കുന്നത്.