ദോഹ: ഖത്തര്‍ ദേശീയ ദിനത്തോടനുബന്ധിച്ച് ജെറ്റ് എയര്‍വെയ്‌സ് പ്രത്യേക പ്രമോഷന്‍ പ്രഖ്യാപിച്ചു. ഓണ്‍ലൈന്‍ ഓഫര്‍ പ്രകാരം യാത്രക്കാര്‍ക്ക് 12 ശതമാനം നിരക്കിളവ് ഇക്കണോമി, പ്രീമിയര്‍ ക്ലാസുകളില്‍ ലഭിക്കും.

ജെറ്റ് എയര്‍വെയ്‌സിന്റെ വെബ്‌സൈറ്റ് വഴിയോ മൊബൈല്‍ ആപ് വഴിയോ ടിക്കറ്റ് ബുക്ക് ചെയ്യുന്നവര്‍ക്കാണ് ഈ പ്രമോഷന്‍ ലഭ്യമാകുക. ഖത്തറില്‍നിന്നു ജെറ്റ് എയര്‍വെയ്‌സിലൂടെ യാത്ര ചെയ്യാവുന്ന 50 കേന്ദ്രങ്ങളിലേക്കും ഈ പ്രമോഷന്‍ ലഭ്യമാകും.

ഇന്ത്യയ്ക്ക് പുറമേ ബംഗ്ലാദേശ്, നേപ്പാള്‍, ശ്രീലങ്ക, ഫാര്‍ ഈസ്റ്റ് രാജ്യങ്ങളിലേക്ക് ഓഫര്‍ ലഭ്യമാകും.
ദേശീയദിന ഓഫറിന് പുറമേ ഓഫര്‍ കാലാവധിയില്‍ യാത്ര ചെയ്യുന്നവരില്‍നിന്നു നറുക്കെടുപ്പിലൂടെ വിജയം വരിക്കുന്നവര്‍ക്ക് സൗജന്യ റിട്ടേണ്‍ ടിക്കറ്റും ലഭിക്കും.

ഇന്തോ ഗള്‍ഫ് റൂട്ടില്‍ ഖത്തറുമായുള്ള ദീര്‍ഘകാല ബന്ധത്തിന്റെ അടിസ്ഥാനത്തില്‍ രാജ്യത്തിന്റെ ദേശീയ ദിനാഘോഷത്തില്‍ തങ്ങളും പങ്കുചേരുന്നതായി ജെറ്റ് എയര്‍വെയ്‌സ് കണ്‍ട്രി മാനേജര്‍ അന്‍ഷാദ് ഇബ്രാഹിം പറഞ്ഞു.

ഇന്നും നാളെയും ഓണ്‍ലൈന്‍ വഴിയും ആപ് വഴിയും ടിക്കറ്റ് ബുക്ക് ചെയ്യുന്നവര്‍ക്ക് ലഭ്യമാകുന്ന ഓഫറില്‍ 2018 ജനുവരി മൂന്ന് മുതല്‍ മെയ് 31 വരെ യാത്ര ചെയ്യാവുന്നതാണ്.