സുല്‍ത്താന്‍ ബത്തേരി: രാജ്യത്തുടനീളം വര്‍ധിച്ചു വരുന്ന ദലിത് പീഡനങ്ങള്‍ക്കെതിരെ സ്വാതന്ത്ര്യ ദിനത്തില്‍ എം.എസ്.എഫ് സമത്വ സംഗമം സംഘടിപ്പിച്ചു. സംസ്ഥാനത്തെ വിവിധ ജില്ലകളിലായി ദലിത്, പിന്നോക്ക വിഭാഗങ്ങളോടൊന്നിച്ച് സ്വാതന്ത്ര്യ ദിനാഘോഷ പരിപാടികളും മധുരം നല്‍കിയും പുതു ചരിതം തീര്‍ത്ത പരിപാടി ജില്ലയില്‍ സുല്‍ത്താന്‍ ബത്തേരി കൈപഞ്ചേരിയിലെ ചെറുകാട് നായ്ക കോളനിയില്‍ എം.എസ്.എഫ് സംസ്ഥാന ജന. സെക്രട്ടറി എം.പി നവാസ് ഉദ്ഘാടനം ചെയ്തു. ജില്ലാ പ്രസിഡന്റ് എം.പി ഹഫീസലി അധ്യക്ഷനായി. വിദ്യാര്‍ഥികളുടെ വിവിധ കലാ പരിപാടികള്‍ അരങ്ങേറി. എ സ്വഫ്‌വാന്‍ സ്വാതന്ത്ര്യ ദിന സന്ദേശം നല്‍കി. റിയാസ് കല്ലുവയല്‍, ഇ.പി ജലീല്‍, അസറുദ്ദീന്‍ കല്ലായി, ഇബ്‌റാഹീം തൈതൊടി, ശിഫാനത്ത്, വി ഷാബാസ്, ഷംസുദ്ദീന്‍ സംസാരിച്ചു.