കല്‍പ്പറ്റ: 'വിടപറയുക വര്‍ഗീയതയോട്, അണിനിരക്കുക മതനിരപേക്ഷതയോടൊപ്പം' എന്ന മുദ്രാവാക്യമുയര്‍ത്തി ഡി.വൈ.എഫ്.ഐ ജില്ലാ കമ്മിറ്റിയുടെ നേത്വത്തില്‍ കല്‍പ്പറ്റയില്‍ 'യുവസാഗരം' സംഘടിപ്പിച്ചു.
പൊതുസമ്മേളനം അഖിലേന്ത്യാ ജോ. സെക്രട്ടറി അഡ്വ. പി.എ മുഹമ്മദ് റിയാസ് ഉദ്ഘാടനം ചെയ്തു. സി.കെ ശശീന്ദ്രന്‍ എം.എല്‍.എ അധ്യക്ഷനായി. ഒ.ആര്‍ കേളു എം.എല്‍.എ, സി ഭാസ്‌കരന്‍, പി.എ മുഹമ്മദ്, കെ ശശാങ്കന്‍ എന്നിവര്‍ സംസാരിച്ചു. കെ.പി ഷിജു പ്രതിജ്ഞ ചൊല്ലിക്കൊടുത്തു. ജില്ലാ സെക്രട്ടറി കെ റഫീഖ് സ്വാഗതവും വി ഹാരിസ് നന്ദിയും പറഞ്ഞു.
കെ മുഹമ്മദാലി, സി.ജി പ്രത്യുഷ്, ബീന രതീഷ്, കെ.എം ഫ്രാന്‍സിസ്, എ.കെ ജിതുഷ്, പി.എ മുഹമ്മദ്, എം.വി വിജേഷ്, രഞ്ജിത്ത് മാനിയില്‍, പി.എം ഷംസുദ്ദീന്‍, ബെന്നി ലൂയിസ്, കെ.ജി സുധീഷ് എന്നിവര്‍ നേതൃത്വം നല്‍കി. കലാപരിപാടികളും നടന്നു.