ഗുരുവായൂര്‍: ആനക്കൊമ്പ് കച്ചവടത്തിനിടെ അറസ്റ്റിലായ ഗുരുവായൂര്‍ ക്ഷേത്രത്തിലെ മൂന്ന് ആന പാപ്പാന്മാരെയും ദേവസ്വം സസ്‌പെന്‍ഡ്് ചെയ്തു. ഗുരുവായൂര്‍ പത്മനാഭന്റെ പാപ്പാന്‍ പാലക്കാട് ഷൊര്‍ണ്ണൂര്‍ കുളപ്പുള്ളി നടുവില്‍ പുരയ്ക്കല്‍ സുന്ദരന്‍ എന്ന ഗണേശ്കുമാര്‍, മാധവന്‍ കുട്ടി എന്ന ആനയുടെ പാപ്പാന്‍ ഗുരുവായൂര്‍ താമരയൂര്‍ പുതിയപറമ്പില്‍ പ്രേമന്‍, കൊമ്പന്‍ മുരളിയുടെ പാപ്പാന്‍ ആലപ്പുഴ ചേര്‍ത്തല തൈക്കാട്ടുശ്ശേരി വടക്കെഅടുവയില്‍ ഉഷകുമാര്‍ എന്നിവരെയാണ് സസ്‌പെന്‍ഡ് ചെയ്തത്. കഴിഞ്ഞ ദിവസമാണ് ഇവരെ അഞ്ചര കിലോ ആനക്കൊമ്പുമായി വനം വകുപ്പ് ഉദ്യോഗസ്ഥര്‍ അറസ്റ്റ് ചെയ്തത്.