ന്യൂഡല്‍ഹി: സൊമാലിയന്‍ തീരത്തുനിന്ന് കടല്‍കൊള്ളക്കാര്‍ തട്ടിയെടുത്ത ചരക്കുകപ്പല്‍ മോചിപ്പിക്കാനുള്ള ശ്രമം ഊര്‍ജിതമാക്കി ഇന്ത്യന്‍ നാവികസേന കമാന്‍ഡോകള്‍ കപ്പിനുള്ളില്‍ കടന്നു. 15 ഇന്ത്യന്‍ ജീവനക്കാര്‍ അകപ്പെട്ടിരിക്കുന്ന കപ്പല്‍ മോചിപ്പിക്കാനുള്ള ഓപ്പറേഷന്‍ ആരംഭിച്ചതായി സൈനികവൃത്തങ്ങള്‍ സ്ഥിരീകരിച്ചു.

യുദ്ധക്കപ്പലായ ഐഎന്‍എസ് ചെന്നൈ ആണ് തട്ടിക്കൊണ്ടുപോയ കപ്പലിനടുത്ത് എത്തിയത്. ഇവിടെനിന്നാണ് കമാന്‍ഡോകള്‍ ഹെലികോപ്റ്ററില്‍ കപ്പലിലിറങ്ങിയത്. തട്ടിയെടുത്ത കപ്പല്‍ ഉപേക്ഷിച്ചു പോകാന്‍ കടല്‍ക്കൊള്ളക്കാര്‍ക്ക് ഇന്ത്യന്‍ സൈന്യം മുന്നറിയിപ്പു നല്‍കിയിരുന്നു. കപ്പലിലുള്ള ഇന്ത്യക്കാരുള്‍പ്പെടെ സുരക്ഷിതരാണെന്ന് സൈനികവൃത്തങ്ങള്‍ അറിയിച്ചു.

സൊമാലിയന്‍ തീരത്തുനിന്ന് 15 ഇന്ത്യക്കാരടക്കമുള്ള ലൈബീരിയന്‍ കപ്പലാണ് തട്ടിക്കൊണ്ടുപോയത്. തട്ടിക്കൊണ്ടു പോയ കപ്പലിനായി തിരച്ചില്‍ തുടങ്ങിയതായി ഇന്ത്യന്‍ നാവികസേന അറിയിച്ചിരുന്നു. നാവികസേനയുടെ വിമാനം കപ്പലിലുള്ള നാവികരുമായി ബന്ധപ്പെട്ടു. ലൈബീരിയന്‍ പതാക ഘടിപ്പിച്ച 'എംവി ലില നോര്‍ഫോള്‍ക്ക്' എന്ന കപ്പലാണ് തട്ടിക്കൊണ്ടുപോയത്.

കടല്‍കൊള്ളക്കാര്‍ തട്ടിയെടുത്ത ചരക്കുകപ്പലില്‍ ഇന്ത്യന്‍ നാവികസേന കമാന്‍ഡോകള്‍