കുസാറ്റില്‍ പ്രോജക്ട് അസിസ്റ്റന്റ്; വാക്ക്ഇന്‍ ഇന്റര്‍വ്യു

കൊച്ചി• കൊച്ചി ശാസ്ത്ര സാങ്കേതിക സര്‍വകലാശാല ഇന്റര്‍ യൂനിവേഴ്‌സിറ്റി സെന്റര്‍ ഫോര്‍ ഐ.പി.ആര്‍ സ്റ്റഡീസില്‍ (ഐ.യു.സി.ഐ.പി.ആര്‍.എസ്), റൂസ പ്രോജക്ടില്‍ രണ്ട് പ്രോജക്ട് അസിസ്റ്റന്റുമാരെ (ലെവല്‍ – 1) നിയമിക്കുന്നതിന് 19ന് ഉച്ചയ്ക്ക് 2 മണിയ്ക്ക് വാക്ക്ഇന്‍ ഇന്റര്‍വ്യൂ നടത്തും. മൂന്ന് മാസത്തേക്ക് കരാര്‍ അടിസ്ഥാനത്തിലാണ് നിയമനം. ഫെല്ലോഷിപ്പ് പ്രതിമാസം 20,000 രൂപ.

മാനേജ്‌മെന്റ്, സയന്‍സ്, ടെക്‌നോളജി അല്ലെങ്കില്‍ നിയമം എന്നിവയില്‍ കുറഞ്ഞത് 55% മാര്‍ക്കോടെ ബിരുദാനന്തര ബിരുദവും അല്ലെങ്കില്‍ തത്തുല്യമായ സി.ജി.പി.എയും ബന്ധപ്പെട്ട വിഷയത്തില്‍ ഒരു വര്‍ഷത്തെ പ്രോജക്ട് പ്രവൃത്തി പരിചയവുമുള്ള ഉദ്യോഗാര്‍ഥികള്‍ക്ക് ഒരു തസ്തികയിലേക്ക് അപേക്ഷിക്കാം. പ്രോഗ്രാമുകളുടെ ഓര്‍ഗനൈസേഷനില്‍ ഏകോപനത്തില്‍ കുറഞ്ഞത് ഒരു വര്‍ഷത്തെ പരിചയം അഭിലഷണീയം.

കുറഞ്ഞത് 55 ശതമാനം മാര്‍ക്കോടെ നിയമത്തില്‍ ബിരുദാനന്തര ബിരുദവും തത്തുല്യമായ സി.ജി.പി.എയും പ്രോജക്ടിന്റെ അച്ചടക്കത്തില്‍ ഒരു വര്‍ഷത്തെ പരിചയവുമുള്ള ഉദ്യോഗാര്‍ഥികള്‍ക്ക് ബന്ധപ്പെട്ട വിഷയത്തില്‍ ഒരു വര്‍ഷത്തെ പ്രോജക്ട് പ്രവൃത്തി പരിചയവുമുള്ള രണ്ടാമത്തെ തസ്തികയിലേക്ക് അപേക്ഷിക്കാം. ഐ.പി.ആര്‍. സ്‌പെഷലൈസേഷനോടുകൂടിയ നിയമത്തില്‍ ബിരുദാനന്തര ബിരുദം അഭിലഷണീയം.

താല്‍പര്യമുള്ളവര്‍ 17 നകം ആവശ്യമായ രേഖകകള്‍ സമര്‍പ്പിക്കണം. വിശദവിവരങ്ങള്‍ക്ക് 8108074199, 0484 – 2575174, 2575074.