കാസര്‍കോട്: പുതിയ ജില്ലാ കലക്ടറായി  കെ ജീവന്‍ബാബു ചുമതലയേറ്റു. ഇന്നലെ രാവിലെ കലക്ടറേറ്റിലെത്തിയ അദ്ദേഹത്തെ സ്ഥാനമൊഴിയുന്ന കലക്ടര്‍ ഇ ദേവദാസന്‍, എഡി.എം കെ അംബുജാക്ഷന്‍, ഡെപ്യൂട്ടി കലക്ടര്‍മാരായ എച്ച് ദിനേശന്‍, ഡോ. പി.കെ ജയശ്രീ, എന്‍ ദേവിദാസ്, അബ്ദുള്‍ സലാം, എ ദേവയാനി, ഫിനാന്‍സ് ഓഫിസര്‍ കെ കുഞ്ഞമ്പു നായര്‍, ജില്ലാ ഇന്‍ഫര്‍മേഷന്‍ ഓഫിസര്‍ ഇ.വി സുഗതന്‍, തഹസില്‍ദാര്‍മാരായ എ.കെ രമേന്ദ്രന്‍, കെ രവികുമാര്‍, ജയരാജന്‍ വൈക്കത്ത്, സൂര്യനാരായണന്‍, ഹുസൂര്‍ ശിരസ്തദാര്‍ പി.കെ ശോഭ തുടങ്ങിയവര്‍ സ്വീകരിച്ചു. ഭാര്യ അഭിജാനന്‍ മിലനിനോടൊപ്പമാണു കലക്ടര്‍ സ്ഥാനമേല്‍ക്കാനായി  എത്തിയത്.
    തൊടുപുഴ സ്വദേശിയായ  കെ ജീവന്‍ബാബു 2009 ല്‍ ഇന്ത്യന്‍ റവന്യൂ സര്‍വിസിലും  2010 ല്‍ പശ്ചിമബംഗാളില്‍ ഐ.പി.എസ് ഓഫിസറായും  സേവനമനുഷ്ഠിച്ചിരുന്നു.  2011 ഐ.എ.എസ് ബാച്ചിലുള്‍പ്പെട്ട  കെ ജീവന്‍ബാബു തൃശ്ശൂരില്‍ അസി.കലക്ടര്‍,  കാഞ്ഞങ്ങാട് സബ്കലക്ടര്‍, എക്‌സൈസ് അസി. കമ്മിഷണര്‍, സര്‍വേ ഡയറക്ടര്‍, ബീവറേജസ് കോര്‍പറേഷന്‍ എം.ഡി,  കശുവണ്ടി വികസന കോര്‍പറേഷന്‍ എം.ഡി, ഇലക്ഷന്‍ ഡെപ്യൂട്ടി കമ്മിഷണര്‍ തുടങ്ങിയ സ്ഥാനങ്ങള്‍ വഹിച്ചിരുന്നു.