ഇംഫാല്‍: മണിപ്പൂരില്‍ ഇംഫാലിലെ യൂണിവേഴ്‌സിറ്റിയുടെ ക്യാംപസ് കോമ്പൗണ്ടില്‍ നടന്ന സ്‌ഫോടനത്തില്‍ ഒരു മരണം. പരിക്കേറ്റയൊരാള്‍ക്ക് ഗുരുതരമായ പരിക്കുമേറ്റിട്ടുണ്ട്.24കാരനായ ഒയിനം കെനഗി എന്ന യുവാവാണ് കൊല്ലപ്പെട്ടതെന്ന് തിരിച്ചറിഞ്ഞിട്ടഞ്ഞുണ്ട്.സംഭവത്തിന്റെ ഉത്തരവാദിത്വം ഇതുവരേക്കും ആരും ഏറ്റെടുത്തിട്ടില്ല. ഇന്നലെ നടന്ന മറ്റൊരു സംഭവത്തില്‍
ലാംഫെല്‍പട്ടിലുള്ള യുനൈറ്റഡ് കമ്മിറ്റി മണിപ്പൂര്‍ (യു.സി.എം) എന്ന സിവില്‍ സൊസൈറ്റി ഓര്‍ഗനൈസേഷന്‍ ഓഫീസ് അജ്ഞാതര്‍ തീയിട്ടു.

കൂടാതെ, ശനിയാഴ്ച പുലര്‍ച്ചെ 12.45 ഓടെ ഇംഫാല്‍ ഈസ്റ്റ് ജില്ലയിലെ സ്‌കൂളിന്റെ അഡ്മിനിസ്‌ട്രേറ്റീവ് വിഭാഗം അജ്ഞാതര്‍ നശിപ്പിക്കുകയും തീയിടുകയും ചെയ്തു. പരിസരത്ത് നിര്‍ത്തിയിട്ട ഒരു വാഹനവും നശിപ്പിച്ചതായി പൊലീസ് അറിയിച്ചു.