കളമശ്ശേരി: യുവാവിനെ തട്ടികൊïു പോയി മര്‍ദിച്ച കേസില്‍ മുന്‍ ഭാര്യയുള്‍പ്പെടെ നാലുപേര്‍ക്കെതിരെ കേസ്. മൂന്നു പേരെ കളമശ്ശേരി പൊലിസ് അറസ്റ്റ് ചെയ്തു. മുïക്കയം നെല്ലിക്കമണ്ണില്‍ മനീഷിനെയാണ് തട്ടിക്കൊïുപോയി മര്‍ദിച്ചത്. ഇയാളുടെ പരാതിയില്‍ ചേരാനല്ലൂര്‍ അറക്കല്‍ ജയ്‌സന്‍, ആലങ്ങാട് തിരുമുപ്പം കാരിക്കച്ചേരി വീട്ടില്‍ ചാള്‍സ്, ചങ്ങനാശ്ശേരി വാഴപ്പിള്ളി മൂലയില്‍ ജോസ് എന്നിവരെയാണ് കളമശ്ശേരി എസ്.ഐ ഇ.വി ഷിബു അറസ്റ്റ് ചെയ്തത്. ഈ കേസിലെ നാലാം പ്രതി പ്രതീക്ഷയെ പിടികൂടാനായിട്ടില്ല.
സംഭവത്തെകുറിച്ച് പൊലിസ് പറയുന്നത് ഇങ്ങിനെ കേസിലെ നാലാം പ്രതിയായ പ്രതീക്ഷയും മനീഷും തമ്മില്‍ രജിസ്റ്റര്‍ വിവാഹം ചെയ്തിരുന്നതാണ്. വിവാഹത്തിനു ശേഷം പ്രതീക്ഷ ബാംഗ്‌ളൂരില്‍ പോയി അവിഹിത ബന്ധത്തില്‍ ഏര്‍പ്പെട്ടെന്ന് മനീഷ് പറയുന്നു. ഇക്കാര്യം പ്രതീക്ഷയുടെ അമ്മയെ അറിയിക്കുകയും ചെയ്തു. ഇതേ തുടര്‍ന്ന് ബന്ധം അവസാനിപ്പിച്ച മട്ടിലായിരുന്നു.
ഇതിന്റെ പ്രതികാരകമായി പ്രതീക്ഷയുടെ നിര്‍ദേശപ്രകാരമാണ് മൂന്നു പ്രതികളും കൂടി കാറില്‍ യാത്ര ചെയ്തിരുന്ന മനീഷിനെ തട്ടികൊïു പോയി മര്‍ദിച്ചത്. കഴിഞ്ഞ 16 ന് രാവിലെ ഇടപ്പള്ളി ടോളിനടുത്ത് വച്ചാണ് മനീഷിന്റെ പരിചയക്കാരനായ ജയ്‌സന്‍ മനീഷിന്റെ കാറിന് കൈകാണിച്ചത്. കാര്‍ നിര്‍ത്തിയ ഉടന്‍ മൂന്നു പേരും കൂടി കാറില്‍ കയറി ഓട്ടത്തിനിടയില്‍ മര്‍ദ്ദിക്കുകയായിരുന്നു. പത്തടിപ്പാലത്തെത്തിയപ്പോള്‍ മനീഷ് കാര്‍ നിര്‍ത്തി ഓടി നഷ്ടപ്പെടുകയായിരുന്നു.ഇതോടെ പ്രതികള്‍ കാറുമായി കടന്നു കളഞ്ഞു. തുടര്‍ന്ന് മനീഷ് പൊലിസില്‍ പരാതി നല്‍കുകയായിരുന്നു. പൊലിസ് നടത്തിയ അന്വേഷണത്തില്‍ എന്‍.എ.ഡി ഭാഗത്തു വച്ച് പിടികൂടുകയായിരുന്നു.