വയനാട്ടില്‍ നാടന്‍ തോക്കുമായി യുവാവ് പിടിയില്‍

മേപ്പാടി: നാടന്‍ തോക്ക് കൈവശം വെച്ചതിന് യുവാവ് അറസ്റ്റില്‍. മാനന്തവാടി, ഒണ്ടെയങ്ങാടി, കൈപ്പാട്ട് വീട്ടില്‍ ബാലചന്ദ്ര(32)നെയാണ് മേപ്പാടി പൊലിസ് അറസ്റ്റ് ചെയ്തത്. 03.03.2024 തിയ്യതി പുലര്‍ച്ചെ കുന്നമ്പറ്റയിലെ ഒരു റിസോര്‍ട്ടിനു സമീപം വച്ച് ഫോറസ്റ്റ് റെയിഞ്ച് ഓഫീസര്‍ ഡി. ഹരിലാലിന്റെ നേതൃത്വത്തില്‍ പട്രോളിങ് നടത്തവെയാണ് നാടന്‍ തോക്കുമായി ഇയാള്‍ പിടിയിലാവുന്നത്.

അനന്തര നടപടികള്‍ക്കായി മേപ്പാടി പൊലിസില്‍ വിവരമറിയിച്ചത് പ്രകാരം ഇന്‍സ്‌പെക്ടര്‍ എസ്.എച്ച്.ഓ ബി.കെ. സിജുവിന്റെ നേതൃത്വത്തിലുള്ള പൊലിസ് സംഘം ഇയാളെ അറസ്റ്റ് ചെയ്യുകയും മുതലുകള്‍ ബന്തവസിലെടുക്കുകയുമായിരുന്നു.