തിരുവനന്തപുരം: കൊവിഡ് നിയന്ത്രണങ്ങളില്‍ ഇളവുവരുത്തി സര്‍ക്കാര്‍. ആരാധനാലയങ്ങളുമായി ബന്ധപ്പെട്ട ഉത്സവങ്ങളും കലാപരിപാടികളും നിയന്ത്രണങ്ങളോടെ ജനുവരി 5 മുതല്‍ തുടങ്ങും.ആളുകളുടെ എണ്ണം കൃത്യമായി നിയന്ത്രിക്കണം. പൊലീസും സെക്ടറല്‍ മജിസ്‌ട്രേറ്റുമാരും അതുറപ്പാക്കും.

മതപരമായ ഉത്സവങ്ങള്‍ സാംസ്‌കാരികപരിപാടികള്‍ കലാപരിപാടികള്‍ എന്നിവയ്ക്ക് ഇന്‍ഡോറില്‍ പരമാവധി 100, ഔട്ട്‌ഡോറില്‍ പരമാവധി 200 പേരെയും അനുവദിക്കും. 10 മാസത്തിലേറെയായി കലാപരിപാടികള്‍ നടത്താനാകുന്നില്ലെന്ന കലാകാരന്മാരുടെ ആശങ്ക കണക്കിലെടുത്താണ് തീരുമാനം.