ദമാം: സഊദിയിലെ ദമാമിൽ മലയാളി യുവാവിനെ മരിച്ച നിലയിൽ കണ്ടെത്തി. മണ്ണാര്‍ക്കാട് അട്ടപ്പാടി കക്കുംപടി തോട്ടക്കര മുഹമ്മദ് മുസ്തഫ (31)യെ കിഴക്കൻ സഊദിയിലെ ദമാമില്‍ താമസസ്ഥലത്ത് മരിച്ച നിലയില്‍ കണ്ടെത്തിയത്. ഒമ്പതു വര്‍ഷമായി ദമാം ലേഡീസ് മാര്‍ക്കറ്റിനു സമീപം സൂപ്പര്‍ മാര്‍ക്കറ്റില്‍ സെയില്‍സ്മാനായി ജോലി ചെയ്തുവരികയായിരുന്നു. സൗഹൃദ ബന്ധങ്ങളും മറ്റും കുറവായിരുന്ന മുസ്തഫ ആളുകളുമായി കൂടുതല്‍ ഇടപഴകുന്നതിനു വിമുഖത കാണിച്ചിരുന്നതായും മാനസികമായി നേരിയ പ്രശ്‌നങ്ങള്‍ നേരിട്ടിരുന്നതായും സുഹൃത്തുക്കള്‍ പറഞ്ഞു.

    കെട്ടിടത്തിന്റെ നാലാം നിലയില്‍ താമസിച്ചിരുന്ന യുവാവ് ഉച്ചക്ക് ശേഷം വിശ്രമത്തിനായി പോയപ്പോഴാണ് താമസിക്കുന്നതിന്റെ തൊട്ടടുത്ത ആളൊഴിഞ്ഞ മുറിയില്‍ കയറിയത്. ആത്മഹത്യയാണെന്നാണ് കരുതുന്നത്.
ദമാം മെഡിക്കല്‍ കോംപ്ലക്‌സ് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ദമാമില്‍ തന്നെ മറവു ചെയ്യുന്നതിനുള്ള നടപടി ക്രമങ്ങള്‍ സാമൂഹ്യ പ്രവര്‍ത്തകന്‍ നാസ് വക്കത്തിന്റെ നേതൃത്വത്തില്‍ നടന്ന് വരികയാണ്. തോട്ടക്കര ഷൗക്കത്ത്-നഫീസ ദമ്പതികളുടെ മകനാണ്. ഭാര്യ: റൈഹാനത്ത്. മകന്‍: മിശാല്‍.