റിയാദ്: മലപ്പുറം സ്വദേശി സഊദിയിലെ റിയാദിൽ ഹൃദയാഘാതം മൂലം മരണപ്പെട്ടു. കോഡൂർ ചെമ്മങ്കടവ് സ്വദേശി പികെ ഷംസുദ്ദീൻ (44) ആണ് റിയാദ് അൽഹമ്മാദി ഹോസ്പിറ്റലിൽ വെച്ച് മരണപ്പെട്ടത്. റിയാദ് ഹൊശാൻക്കോ കമ്പനിയിൽ 20 വർഷമായി ഫർണീച്ചർ ഡിവിഷനിൽ പ്രൊജക്റ്റ് മാനേജറായി ജോലി ചെയ്‌തു വാരിയക്കായിരുന്നു. മൊയ്‌ദീൻ-ഫാത്തിമ ദമ്പതികളുടെ മകനാണ്. ഭാര്യ: രഹ്‌ന, മക്കൾ: ഷിഫ്‌ന, നഷ്‌ഫ

    മയ്യത്തിന്റെ തുടർ നടപടി ക്രമങ്ങളുമായ് സഹോദരൻ വഹാബിനെ സഹായിക്കാൻ റിയാദ് മലപ്പുറം ജില്ലാ കെഎംസിസി വെൽഫെയർ വിംഗ് ചെയർമാൻ റഫീഖ് പുല്ലൂർ, ജനറൽ കൺവീനർ ഷറഫ് പുളിക്കൽ, ഹമീദ് ക്ലാരി, യൂനുസ് കൈതക്കോടൻ, ബഷീർ ഇരുമ്പുഴി, എന്നിവർ രംഗത്തുണ്ട്.ഖബറടക്കം റിയാദിൽ തന്നെ നടത്താനാണ് തീരുമാനം.