റിയാദ്: സഊദിയിലെ പ്രമുഖ ബാങ്കുകളിലൊന്നായ അൽ ബിലാദ് ബാങ്ക് ചെയർമാൻ അബ്‌ദുറഹ്‌മാൻ ബിൻ ഇബ്‌റാഹീം അൽ മുഹൈദ് അന്തരിച്ചു. ബാങ്ക് ഡയറക്ടർ ബോർഡ് അംഗമായിരുന്ന ഇദ്ദേഹം 2019 ഏപ്രിൽ മുതലാണ് ചെയർമാനായി ചുമതലയേറ്റത്. അമേരിക്കയിലെ സർവ്വകലാശാലയിൽ നിന്നും ബിസിനസ് അഡ്മിനിസ്ട്രേഷനിൽ മാസ്റ്റർ ബിരുദവും അകൗണ്ടിങ്ങിൽ ഡോക്റ്ററേറ്റും നേടിയിട്ടുണ്ട്. ഇദ്ദേഹത്തിന്റെ മരണത്തോടെ ഒഴിവ് വന്ന ചെയർമാൻ സ്ഥാനത്തേക്ക് ഉടൻ തന്നെ പുതിയ ആളെ നിയമിക്കുമെന്ന് ബാങ്ക് വൃത്തങ്ങൾ അറിയിച്ചു.