നിലമ്പൂര്‍: എരഞ്ഞിമങ്ങാട് ഗവ.ഹയര്‍സെക്കന്‍ഡറി സ്‌കൂളില്‍ വിഷന്‍ 2020 യുടെ ഭാഗമായി സംഘടിപ്പിക്കുന്ന വികസന സ്പന്ദനം ഇന്നു വൈകുന്നേരം മൂന്നിനു നടക്കും. എംഎല്‍എ ആസ്തി വികസന ഫണ്ടില്‍ നിന്നും 60 ലക്ഷം രൂപ ചെലവഴിച്ചു നിര്‍മിച്ച ഹയര്‍ സെക്കന്‍ഡറി കെട്ടിടം, പൊതു പങ്കാളിത്തത്തോടെ ആറു ലക്ഷം രൂപ ചെലവിട്ടു സജ്ജീകരിച്ച കമ്പ്യൂട്ടര്‍ ലാബ്, പുതുതായി അനുവദിക്കപ്പെട്ട ശൗചാലയം എന്നിവയുടെ ഉദ്ഘാടനം യഥാക്രമം പി.കെ.ബഷീര്‍ എംഎല്‍എ, ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ വി.സുധാകരന്‍ എന്നിവര്‍ നിര്‍വഹിക്കും.  ആദ്യമായി 100 ശതമാനം വിജയം നേടിത്തന്ന വിദ്യാര്‍ഥികളെ ഗ്രാമപഞ്ചായത്ത് പ്രസിഡന്റ് പി.ടി.ഉസ്മാനും അധ്യാപകരെ ജില്ലാ വിദ്യാഭ്യാസ ഡപ്യൂട്ടി ഡയറക്ടര്‍ പി.സഫറുള്ളയും  ആദരിക്കും.