വണ്ടൂര്‍: ബ്ലോക്ക് കീഴിലെ ആറ് പഞ്ചായത്തുകള്‍ക്കു പരിരക്ഷാ പദ്ധതിയിലേക്കുള്ള സഹായ ഉപകരണങ്ങള്‍ നല്‍കുന്ന പദ്ധതിക്കു തുടക്കം.വണ്ടൂര്‍ സി.എച്ച്.സിയില്‍ നടന്ന ചടങ്ങ് ബ്ലോക്ക് പ്രസിഡന്റ് കെ.ടി ജുവൈരിയ ഉദ്ഘാടനം ചെയ്തു. സി.എച്ച് ആസ്യ അധ്യക്ഷനായി. 2015-16 വാര്‍ഷിക പദ്ധതി പ്രകാരം 6,33000 രൂപ വില വരുന്ന ഉപകരണങ്ങളാണു വിതരണം ചെയ്തത്.
മെഡിക്കല്‍ ഓഫിസര്‍ സി.ടി.പി അബ്ദുള്‍ ഗഫൂര്‍, ബ്ലോക്ക് അംഗങ്ങളായ പി.അബ്ദുള്‍ കരീം, കെ.സത്യഭാമ, എം.കെ നാസര്‍, ബേബി കമലം, എം.സലീന, എച്ച്.ഐ.എം വിജയന്‍ എന്നിവര്‍ പ്രസംഗിച്ചു.